Madridning “Atletiko” klubi hujumchisi Mateus Kunya “Vulverxempton” bilan shartnoma imzoladi. Bu haqda Angliya jamoasi bosh murabbiyi Xulen Lopetegi ma’lum qildi. Oldinroq “bo‘rilar” 23 yoshli futbolchini majburiy sotib olish sharti bilan ijaraga olgani xabar qilingandi.
"Endi Mateus Kunya jamoamizning yangi futbolchisiga aylanishi aniq. Uning harakati juda yaxshi, ishonchim komilki, Kunya hozir va kelajakda o‘zini ko‘rsatadi. Mateus Angliya Premyer-ligasi uchun juda mos", - deya Lopetegining so‘zlaridan iqtibos keltirdi jurnalist Fabrisio Romano.
23 yoshli Kunya 2021 yilning yozida “Gerta”dan “Atletiko”ga o‘tgan edi. Hujumchi joriy mavsumda barcha musobaqalarda 17 o‘yinda ikkita golli uzatmani amalga oshirdi.
