Мадриднинг “Атлетико” клуби ҳужумчиси Матеус Кунья “Вулверхэмптон” билан шартнома имзолади. Бу ҳақда Англия жамоаси бош мураббийи Хулен Лопетеги маълум қилди. Олдинроқ “бўрилар” 23 ёшли футболчини мажбурий сотиб олиш шарти билан ижарага олгани хабар қилинганди.
"Энди Матеус Кунья жамоамизнинг янги футболчисига айланиши аниқ. Унинг ҳаракати жуда яхши, ишончим комилки, Кунья ҳозир ва келажакда ўзини кўрсатади. Матеус Англия Премьер-лигаси учун жуда мос", - дея Лопетегининг сўзларидан иқтибос келтирди журналист Фабрицио Романо.
23 ёшли Кунья 2021 йилнинг ёзида “Герта”дан “Атлетико”га ўтган эди. Ҳужумчи жорий мавсумда барча мусобақаларда 17 ўйинда иккита голли узатмани амалга оширди.
