"Yuventus" hujumchisi Moyse Kin Turin klubidagi o‘yin haqidagi taassurotlari bilan o‘rtoqlashdi.

“Har bir o‘yin, har bir gol har doim muhim. “Yuventus” libosida ekansan, asosiysi maydonni ajoyib natija bilan tark etish. Biz yaxshi tayyorgarlik ko‘ramiz, endi jahon chempionatida o‘ynaganlar safimizga qo‘shiladi. Jamoa yaxshi ishlayapti, o‘rtoqlik o‘yinlari o‘tkazyapmiz, chempionatning tiklanishiga hozirlik ko‘rish uchun bitta o‘yin qoldi. Biz "Napoli", "Inter", "Milan" kabi ajoyib jamoalar bilan raqobat qilishdan mamnunmiz. Biz tayyor bo‘lamiz, o‘yinlarda xato qilmaslikka va ochkolar qo‘lga kiritishga harakat qilamiz", - deydi Kin.

22 yoshli futbolchi 2021 yilning yozidan buyon "Yuventus"da ijara asosida o‘ynamoqda. Joriy mavsumda u barcha turnirlarda 18 ta o‘yin o‘tkazib, 5 ta gol urdi.

"Yuventus" A Seriyaning 15 o‘yinidan keyin 31 ochko bilan 3-o‘rinda bormoqda.