"Ювентус" ҳужумчиси Мойсе Кин Турин клубидаги ўйин ҳақидаги таассуротлари билан ўртоқлашди.

“Ҳар бир ўйин, ҳар бир гол ҳар доим муҳим. “Ювентус” либосида экансан, асосийси майдонни ажойиб натижа билан тарк этиш. Биз яхши тайёргарлик кўрамиз, энди жаҳон чемпионатида ўйнаганлар сафимизга қўшилади. Жамоа яхши ишлаяпти, ўртоқлик ўйинлари ўтказяпмиз, чемпионатнинг тикланишига ҳозирлик кўриш учун битта ўйин қолди. Биз "Наполи", "Интер", "Милан" каби ажойиб жамоалар билан рақобат қилишдан мамнунмиз. Биз тайёр бўламиз, ўйинларда хато қилмасликка ва очколар қўлга киритишга ҳаракат қиламиз", - дейди Кин.

22 ёшли футболчи 2021 йилнинг ёзидан буён "Ювентус"да ижара асосида ўйнамоқда. Жорий мавсумда у барча турнирларда 18 та ўйин ўтказиб, 5 та гол урди.

"Ювентус" А Сериянинг 15 ўйинидан кейин 31 очко билан 3-ўринда бормоқда.