35 yoshli Blez Matyuidi futbolchilik faoliyatini yakunlaganini e’lon qildi. Bu haqda u ijtimoiy tarmoqlarida yozgan.

“Futbol, men seni juda yaxshi ko‘rardim. Futbol, sen menga juda ko‘p narsa berding, lekin to‘xtash vaqti keldi. Men bolalik orzularimni, o‘smirlik orzularimni amalga oshirdim. Bugun ovozimda titroq, lekin g‘urur bilan men ushbu sahifani yopyapman", deb yozdi futbolchi.

Uning so‘nggi jamoasi MLSning "Inter Mayami"si edi.

Fransiya terma jamoasi tarkibida yarim himoyachi Rossiyada bo‘lib o‘tgan 2018 yilgi jahon chempionatida g‘olib chiqdi. U terma jamoa safida jami 84 ta o‘yin o‘tkazib, 9 ta gol urgan.

"PSJ" tarkibida u bir necha bor mamlakat chempionligi, kubogi va superkubogini qo‘lga kiritgan. "Yuventus" bilan birgalikda uch marta Italiya chempioni bo‘lgan, shuningdek, bir marta mamlakat kubogi va Superkubogini qo‘lga kiritgan.