"Manchester Yunayted" murabbiyi Erik ten Xag Markus Reshford klub bilan yangi uzoq muddatli shartnoma imzolashiga umid qilmoqda.
Hujumchining shartnomasi yaqinda avtomatik tarzda bir yilga uzaytirildi, biroq avval xabar qilinganidek, klub 25 yoshli ingliz futbolchisi bilan yangi uzoq muddatli shartnoma tuzmoqchi.
Insayder Fabrisio Romanoning so‘zlariga ko‘ra, bu g‘oyani murabbiy Erik ten Xag faol ilgari surmoqda, u Reshfordni uzoq yillar davomida o‘z loyihasining asosiy qismi deb hisoblaydi. Mutaxassis "qizil iblislar" rahbariyati yulduzni o‘z saflarida saqlab qolish uchun hamma narsani qilishiga umid qilmoqda.