"Манчестер Юнайтед" мураббийи Эрик тен Хаг Маркус Рэшфорд клуб билан янги узоқ муддатли шартнома имзолашига умид қилмоқда.
Ҳужумчининг шартномаси яқинда автоматик тарзда бир йилга узайтирилди, бироқ аввал хабар қилинганидек, клуб 25 ёшли инглиз футболчиси билан янги узоқ муддатли шартнома тузмоқчи.
Инсайдер Фабрицио Романонинг сўзларига кўра, бу ғояни мураббий Эрик тен Хаг фаол илгари сурмоқда, у Рэшфордни узоқ йиллар давомида ўз лойиҳасининг асосий қисми деб ҳисоблайди. Мутахассис "қизил иблислар" раҳбарияти юлдузни ўз сафларида сақлаб қолиш учун ҳамма нарсани қилишига умид қилмоқда.