"Aston Villa" va Argentina terma jamoasi darvozaboni Emiliano Martines o‘z klubida qolishi mumkin, deya ma’lum qildi jurnalist Fabrisio Romano.
Avvalroq MediaFoot nashri Manuel Noyerdan jarohat tufayli ayrilgan "Bavariya" futbolchining nomzodini ko‘rib chiqayotgani haqida xabar bergandi. Ammo Romanoning fikricha, nemis klubi futbolchi bilan muzokaralar olib bormayapti.
30 yoshli futbolchi joriy mavsumda “Aston Villa” safida barcha turnirlarda 16 ta o‘yinda maydonga tushdi. Argentina bilan birgalikda u jahon chempionatida g‘olib chiqdi va turnirning eng yaxshi darvozaboni bo‘ldi.













