"Астон Вилла" ва Аргентина терма жамоаси дарвозабони Эмилиано Мартинес ўз клубида қолиши мумкин, дея маълум қилди журналист Фабрицио Романо.
Аввалроқ MediaFoot нашри Мануэль Нойердан жароҳат туфайли айрилган "Бавария" футболчининг номзодини кўриб чиқаётгани ҳақида хабар берганди. Аммо Романонинг фикрича, немис клуби футболчи билан музокаралар олиб бормаяпти.
30 ёшли футболчи жорий мавсумда “Астон Вилла” сафида барча турнирларда 16 та ўйинда майдонга тушди. Аргентина билан биргаликда у жаҳон чемпионатида ғолиб чиқди ва турнирнинг энг яхши дарвозабони бўлди.