"Vilyarreal" darvozaboni Xeronimo Ruli faoliyatini Niderlandiyada davom ettirishi mumkin, deya xabar beradi jurnalist Fabrisio Romano.
Manbaga ko‘ra, 30 yoshli argentinalik futbolchiga "Ayaks" da’vogarlik qilmoqda. Amsterdam klubi futbolchini yanvar oyida sotib olishi kutilmoqda.
Ruli joriy mavsumda “Vilyarreal” safida La Ligada 14 ta o‘yinda maydonga tushib, 10 ta gol o‘tkazib yuborgan va 7 marta o‘z darvozasi daxlsizligini saqlab qolgan. Transfermarkt portali futbolchining narxini 10 million yevroga baholamoqda.