"Вильярреал" дарвозабони Херонимо Рульи фаолиятини Нидерландияда давом эттириши мумкин, дея хабар беради журналист Фабрицио Романо.
Манбага кўра, 30 ёшли аргентиналик футболчига "Аякс" даъвогарлик қилмоқда. Амстердам клуби футболчини январь ойида сотиб олиши кутилмоқда.
Рульи жорий мавсумда “Вильярреал” сафида Ла Лигада 14 та ўйинда майдонга тушиб, 10 та гол ўтказиб юборган ва 7 марта ўз дарвозаси дахлсизлигини сақлаб қолган. Transfermarkt портали футболчининг нархини 10 миллион еврога баҳоламоқда.