Ispaniyaning "Valensiya" klubi uy uchrashuvlarini o‘tkazadigan "Mestalya" stadioni kelasi yilning may oyida o‘zining 100 yilligini nishonlaydi. 1923 yilgacha jamoa "Aljiros" stadionida o‘ynagan bo‘lsa, 1923 yilning 20 mayida ilk bor "Levante" bilan o‘rtoqlik o‘yinini o‘tkazdi.
Shuning uchun bu safar arenaning 100 yilligini “Levante” bilan o‘rtoqlik o‘yini bilan nishonlashga qaror qilinganida ajablanarli joyi yo‘q. "Valensiya" rahbariyati unga turli vaqtlarda klub sharafini himoya qilgan 150 ga yaqin futbolchilarni taklif qilgan.
To‘g‘ri, "Valensiya" matbuot xizmati hozircha o‘yinning aniq sanasini ma’lum qilgani yo‘q. Lekin ushbu o‘rtoqlik uchrashuvi jamoaning chempionat va Ispaniya kubogidagi taqvimiga bog‘liq bo‘ladi.
