Madridning "Real" klubi "Borussiya D" yarim himoyachisi Jud Bellingem uchun qancha mablag‘ sarflashga tayyor ekanligi ma’lum bo‘ldi.
Jurnalist Ramon Alvares xabariga ko‘ra, "qirollik klubi" 19 yoshli angliyalik futbolchi uchun nemis klubiga 100+20 million yevro to‘lashga tayyor. Bellingem uchun kurashda "Chelsi", "Manchester Siti", "Manchester Yunayted" va "Liverpul" ham ishtirok etmoqda.
Bellingem Transfermarkt portalida 110 million yevroga baholangan. U joriy mavsum barcha turnirlarda klub va terma jamoa safida jami 32 ta o‘yinda 10 ta gol urib, 5 ta golli uzatma amalga oshirdi.