Мадриднинг "Реал" клуби "Боруссия Д" ярим ҳимоячиси Жуд Беллингем учун қанча маблағ сарфлашга тайёр эканлиги маълум бўлди.
Журналист Рамон Альварес хабарига кўра, "қироллик клуби" 19 ёшли англиялик футболчи учун немис клубига 100+20 миллион евро тўлашга тайёр. Беллингем учун курашда "Челси", "Манчестер Сити", "Манчестер Юнайтед" ва "Ливерпуль" ҳам иштирок этмоқда.
Беллингем Transfermarkt порталида 110 миллион еврога баҳоланган. У жорий мавсум барча турнирларда клуб ва терма жамоа сафида жами 32 та ўйинда 10 та гол уриб, 5 та голли узатма амалга оширди.