“Barselona” va “Liverpul” klublarining sobiq hujumchisi Luis Suares Saudiya Arabistonining “Al-Xalij” klubidan taklif oldi, deya xabar beradi jurnalist Fabrisio Romano.

35 yoshli urugvaylik futbolchiga 18 oylik shartnoma imzolash taklif qilingan.

Biroq Suares faoliyatini davom ettirish uchun bu variantni rad etdi. U allaqachon Braziliyaning “Gremio” klubi bilan ikki yillik shartnomaga kelishib olgan.

Hujumchi 2022 yilning yozidan buyon "Nasyonal"da harakat qilib kelayotgan edi. Uning klub bilan shartnomasi shu yil oxirigacha amal qiladi.

Suares joriy mavsumda jamoa safida 16 ta o‘yinda maydonga tushib, barcha musobaqalarda 8 ta gol urdi va 3 ta golli uzatmani amalga oshirdi.