"Milan" hujumchisi Rafael Leau Italiya klubi bilan yangi shartnoma imzolashga tayyorligini tasdiqladi.

“O‘z kuchimni boshqa ligada sinab ko‘rish? Albatta, kelajakda... Lekin hozir bor e’tiborimni “Milan”ga qaratganman. Bu top-klub, mening amaldagi shartnomam bor. Va men bu shaharni juda yaxshi ko‘raman", - deya futbolchining so‘zlarini keltiradi La Gazette Dello Sport.

Leau 2019 yilning avgustidan buyon “Milan” safida to‘p suradi va joriy mavsumda jamoa safida barcha turnirlarda 31 ta o‘yinda maydonga tushib, 9 ta gol va 10 ta golli uzatmani amalga oshirdi.

So‘nggi JCH-2022da hujumchi Portugaliya terma jamoasi safida 5ta o‘yinda 2ta gol urdi.

Leauning "Milan" bilan shartnomasi 2024 yilning iyun oyi oxirigacha tuzilgan, Transfermarkt.com 23 yoshli futbolchining narxini 85 million yevroga baholagan.