"Милан" ҳужумчиси Рафаэль Леау Италия клуби билан янги шартнома имзолашга тайёрлигини тасдиқлади.
“Ўз кучимни бошқа лигада синаб кўриш? Албатта, келажакда... Лекин ҳозир бор эътиборимни “Милан”га қаратганман. Бу топ-клуб, менинг амалдаги шартномам бор. Ва мен бу шаҳарни жуда яхши кўраман", - дея футболчининг сўзларини келтиради La Gazette Dello Sport.
Леау 2019 йилнинг августидан буён “Милан” сафида тўп суради ва жорий мавсумда жамоа сафида барча турнирларда 31 та ўйинда майдонга тушиб, 9 та гол ва 10 та голли узатмани амалга оширди.
Сўнгги ЖЧ-2022да ҳужумчи Португалия терма жамоаси сафида 5та ўйинда 2та гол урди.
Леаунинг "Милан" билан шартномаси 2024 йилнинг июнь ойи охиригача тузилган, Transfermarkt.com 23 ёшли футболчининг нархини 85 миллион еврога баҳолаган.
