Angliya terma jamoasi va "Manchester Yunayted"ning sobiq himoyachisi Gari Nevill jamoaning asosiy muammosini aytib o‘tdi. Mutaxassisning fikricha, mankunianliklar himoya chizig‘ini kuchaytirishlari kerak.
"Yunayted"ning himoya markazida jiddiy muammolar bor. Martines optimal holatga kelishi uchun yana bir necha hafta kerakdek ko‘rinadi. Varan jarohat olgan va hozir to‘liq tayyor emas. Agar jamoa Maguayrni yo‘qotsa, bu juda og‘ir kunlar bo‘ladi", - deb yozadi Sky Sports Nevillning so‘zlarini.
“Qizil iblislar” navbatdagi uchrashuvini Angliya premyer-ligasida “Nottingem Forest”ga qarshi o‘tkazadi. Uchrashuv 27 dekabr kuni bo‘lib o‘tadi.
