Англия терма жамоаси ва "Манчестер Юнайтед"нинг собиқ ҳимоячиси Гари Невилл жамоанинг асосий муаммосини айтиб ўтди. Мутахассиснинг фикрича, манкунианликлар ҳимоя чизиғини кучайтиришлари керак.
"Юнайтед"нинг ҳимоя марказида жиддий муаммолар бор. Мартинес оптимал ҳолатга келиши учун яна бир неча ҳафта керакдек кўринади. Варан жароҳат олган ва ҳозир тўлиқ тайёр эмас. Агар жамоа Магуайрни йўқотса, бу жуда оғир кунлар бўлади", - деб ёзади Sky Sports Невиллнинг сўзларини.
“Қизил иблислар” навбатдаги учрашувини Англия премьер-лигасида “Ноттингем Форест”га қарши ўтказади. Учрашув 27 декабрь куни бўлиб ўтади.
