"Fichajes" nashri xabariga ko‘ra, himoyachi Ferlan Mendi kelasi yozda "Real"ni tark etishi mumkin.
27 yoshli fransiyalik futbolchi asosiy tarkibda muqim o‘rin egallaydigan jamoaga o‘tmoqchi.
Mendi 2019 yilning yozidan beri "Real"da o‘ynamoqda. Uning klub bilan shartnomasi 2025 yilning yoziga qadar mo‘ljallangan.
Oldinroq ispan klubi 27 yoshli futbolchi uchun 50 million yevro olmoqchi ekani haqida xabar berilgandi. Qolaversa, bu summa "PSJ"dan tashqari barcha klublarga tegishli. "Real Madrid" Mendini parijliklarga 250 million yevro to‘lagan taqdirdagina sotadi.
Joriy mavsumda himoyachi Madrid klubi safida barcha turnirlarda 19 ta o‘yinda maydonga tushdi va 1 ta golli uzatmani amalga oshirdi.