"Fichajes" нашри хабарига кўра, ҳимоячи Ферлан Менди келаси ёзда "Реал"ни тарк этиши мумкин.
27 ёшли франциялик футболчи асосий таркибда муқим ўрин эгаллайдиган жамоага ўтмоқчи.
Менди 2019 йилнинг ёзидан бери "Реал"да ўйнамоқда. Унинг клуб билан шартномаси 2025 йилнинг ёзига қадар мўлжалланган.
Олдинроқ испан клуби 27 ёшли футболчи учун 50 миллион евро олмоқчи экани ҳақида хабар берилганди. Қолаверса, бу сумма "ПСЖ"дан ташқари барча клубларга тегишли. "Реал Мадрид" Мендини парижликларга 250 миллион евро тўлаган тақдирдагина сотади.
Жорий мавсумда ҳимоячи Мадрид клуби сафида барча турнирларда 19 та ўйинда майдонга тушди ва 1 та голли узатмани амалга оширди.