"Nissa" hujumchisi Andi Delor qishki transfer oynasida klubni tark etmoqchi, deb xabar beradi GFFN.
Manbaga ko‘ra, klub rahbariyati o‘tgan mavsumda futbolchining maoshini oshirishga va’da bergan, biroq bu borada hech qanday muzokaralar bo‘lmagan. Delor shuningdek Kristof Galtyening "PSJ"ga ketganidan xafa. 31 yoshli jazoirlik futbolchi ijaraga ketish masalasini ko‘rib chiqishga tayyor.
Delor 2021 yilning yozidan beri “Nissa”da to‘p suradi. Uning klub bilan amaldagi shartnomasi 2024 yilning 30 iyuniga qadar mo‘ljallangan. Transfermarkt portali futbolchining narxini 12 million yevroga baholamoqda.
Joriy mavsumda Delor “itlar” safida barcha musobaqalarda 16 ta o‘yinda maydonga tushib, 6 ta gol urdi.