«Milan» rahbariyati yarim himoyachi Ismael Bennaser bilan yangi shartnoma borasida kelishuvga erishmoqchi.
Jazoirlikning amaldagi bitimi bir yarim yildan keyin tugaydi va unga boshqa klublar qiziqish bildirmoqda.
Avvalroq OAV «rossonerilar» Bennaser bilan yangi shartnoma shartlari bo‘yicha kelisha olmagani haqida xabar bergandi, biroq insayder Fabrisio Romano muzokaralar davom etayotganini aytdi. Tomonlar allaqachon birinchi uchrashuvni o‘tkazishgan, muzokaralarning navbatdagi bosqichi yaqin kunlarda o‘tkazilishi rejalashtirilgan.
Ismael Bennaser joriy mavsum «Milan» safida 21 ta o‘yinda maydonga tushib, 1 ta gol urdi va 1 ta golga assistentlik qilgan.
