"Liverpul" bosh murabbiyi Yurgen Klopp Angliya va Dortmundning "Borussiya" klubi yarim himoyachisi Jud Bellingem haqida fikr bildirdi.

Avvalroq mersisaydliklar futbolchiga asosiy da’vogarlardan biri ekani xabar qilingandi.

"Bellingem - ajoyib futbolchi, u jahon chempionatini ajoyib o‘tkazdi. Jud maydonda juda yetuk harakat qiladi, go‘yo u 19 emas, 28 yoshda. Hamma uning nimalarga qodirligini biladi, ammo moliyaviy jihatdan kelishuv nima bo‘lishi mumkinligini tasavvur ham qila olmayman", - deya Kloppning so‘zlarini keltiradi jurnalist Fabrisio. Romano.

2022/23 yilgi mavsumda Bellingem “Borussiya” safida 22 ta o‘yinda maydonga tushib, 9 ta gol urdi va 3 ta golli uzatmani amalga oshirdi. 2022 yilgi jahon chempionatida u Angliya terma jamoasi safida 5 o‘yinda 1 ta to‘p va 1 ta golli uzatmani amalga oshirdi.

Transfermarkt.com portali yarim himoyachining narxini 110 million yevroga baholamoqda.