"Ливерпуль" бош мураббийи Юрген Клопп Англия ва Дортмунднинг "Боруссия" клуби ярим ҳимоячиси Жуд Беллингем ҳақида фикр билдирди.
Аввалроқ мерсисайдликлар футболчига асосий даъвогарлардан бири экани хабар қилинганди.
"Беллингем - ажойиб футболчи, у жаҳон чемпионатини ажойиб ўтказди. Жуд майдонда жуда етук ҳаракат қилади, гўё у 19 эмас, 28 ёшда. Ҳамма унинг нималарга қодирлигини билади, аммо молиявий жиҳатдан келишув нима бўлиши мумкинлигини тасаввур ҳам қила олмайман", - дея Клоппнинг сўзларини келтиради журналист Фабрицио. Романо.
2022/23 йилги мавсумда Беллингем “Боруссия” сафида 22 та ўйинда майдонга тушиб, 9 та гол урди ва 3 та голли узатмани амалга оширди. 2022 йилги жаҳон чемпионатида у Англия терма жамоаси сафида 5 ўйинда 1 та тўп ва 1 та голли узатмани амалга оширди.
Transfermarkt.com портали ярим ҳимоячининг нархини 110 миллион еврога баҳоламоқда.
