“Torino” rahbariyati yaqin orada serbiyalik yarim himoyachi Sasha Lukichga yangi shartnoma taklif qilishga tayyor.

Tuttomercatoweb nashri xabariga ko‘ra, 26 yoshli serbiyalik futbolchi turinliklar bilan yangi shartnoma imzolashi mumkin. Lukich va klub o‘rtasidagi amaldagi kelishuv 2023 yilning iyunigacha amal qiladi.

Eslatib o‘tamiz, yangi shartnoma bo‘yicha muzokaralar serbiyali futbolchiga boshqa klublardan qiziqish bildirayotgani sababli murakkablashmoqda.

Joriy mavsumda Sasha Lukich jamoa tarkibida 12 ta o‘yin o‘tkazib, ikkita gol urdi va uchta sariq kartochka oldi.