“Торино” раҳбарияти яқин орада сербиялик ярим ҳимоячи Саша Лукичга янги шартнома таклиф қилишга тайёр.

Tuttomercatoweb нашри хабарига кўра, 26 ёшли сербиялик футболчи туринликлар билан янги шартнома имзолаши мумкин. Лукич ва клуб ўртасидаги амалдаги келишув 2023 йилнинг июнигача амал қилади.

Эслатиб ўтамиз, янги шартнома бўйича музокаралар сербияли футболчига бошқа клублардан қизиқиш билдираётгани сабабли мураккаблашмоқда.

Жорий мавсумда Саша Лукич жамоа таркибида 12 та ўйин ўтказиб, иккита гол урди ва учта сариқ карточка олди.