“Lion” himoyachisi Jerom Boateng qishki transfer oynasida klub u bilan xayrlashmoqchi ekanligi haqidagi xabarlarni inkor qildi.
"Klubdan hech kim men yoki agentim bilan bu haqda gaplashgani yo‘q. Men uchun murabbiyning ishonchi va fikri muhim, qolgan hamma narsa muhim emas. Men 100 foiz bor e’tiborimni yana formaga kirishga qaratganman", - deya Boatengning so‘zlarini keltiradi Kicker.
34 yoshli nemisning fransuz klubi bilan shartnomasi 2023 yilning yoziga qadar mo‘ljallangan. Transfermarkt portali futbolchining narxini 2 million yevroga baholamoqda.
Joriy mavsumda himoyachi Fransiya 1-ligasida bor yo‘g‘i 4 ta o‘yinda maydonga tushdi.