“Лион” ҳимоячиси Жером Боатенг қишки трансфер ойнасида клуб у билан хайрлашмоқчи эканлиги ҳақидаги хабарларни инкор қилди.
"Клубдан ҳеч ким мен ёки агентим билан бу ҳақда гаплашгани йўқ. Мен учун мураббийнинг ишончи ва фикри муҳим, қолган ҳамма нарса муҳим эмас. Мен 100 фоиз бор эътиборимни яна формага киришга қаратганман", - дея Боатенгнинг сўзларини келтиради Kicker.
34 ёшли немиснинг француз клуби билан шартномаси 2023 йилнинг ёзига қадар мўлжалланган. Transfermarkt портали футболчининг нархини 2 миллион еврога баҳоламоқда.
Жорий мавсумда ҳимоячи Франция 1-лигасида бор йўғи 4 та ўйинда майдонга тушди.