Mariano Diasning "Real" bilan shartnomasi mavsum oxirida tugaydi. ABC ma’lumotlariga ko‘ra, futbolchining agenti “qirollik klubi”dan maoshi kamaytirilgan yangi shartnomani so‘ragan, biroq rahbariyat salbiy javob bergan.
"Real Madrid" Diasni zahiradagi hujumchi maqomida ham saqlab qolish niyatida emas. Agar Karim Benzema jarohat olsa, Rodrigo fransiyalik futbolchini almashtiradi.
Ushbu mavsumda Dias Ispaniya chempionatida atigi 4 marta maydonga tushdi. Avvalroq, Marianoning agenti Milanning "Inter" klubiga mijozi xizmatlarini taklif qilgani haqida xabarlar tarqalgan edi.
