Мариано Диаснинг "Реал" билан шартномаси мавсум охирида тугайди. АBC маълумотларига кўра, футболчининг агенти “қироллик клуби”дан маоши камайтирилган янги шартномани сўраган, бироқ раҳбарият салбий жавоб берган.
"Реал Мадрид" Диасни заҳирадаги ҳужумчи мақомида ҳам сақлаб қолиш ниятида эмас. Агар Карим Бензема жароҳат олса, Родриго франциялик футболчини алмаштиради.
Ушбу мавсумда Диас Испания чемпионатида атиги 4 марта майдонга тушди. Аввалроқ, Марианонинг агенти Миланнинг "Интер" клубига мижози хизматларини таклиф қилгани ҳақида хабарлар тарқалган эди.
