Zlatan Ibrahimovichning futbol maydonidagi betakror moslashuvchanligi ko‘p jihatdan uning jang san’atlariga bo‘lgan ishtiyoqi bilan bog‘liq.
Bu haqda Stasera a Milano nashriga bergan intervyusida kuzda 41 yoshga to‘lganiga qaramay, faoliyatini davom ettirayotgan futbolchining o‘zi aytib o‘tdi.
"Kichkinaligimda taekvondo bilan shug‘ullanganman, bu sport turi menga juda yoqardi. Shuning uchun ham men shunday harakat qilishni o‘rgandim, maydonda ishlarni bajardim, shundan so‘ng boshqalar “mumkin emas, bu futbol emas” deyishdi. Mana shu mahorat evaziga aql bovar qilmas gollar urdim", - dedi Italiyaning “Milan” klubi hujumchisi.
