Angliyaning “Brayton” jamoasi kamida 2024 yilga qadar Qatardagi jahon chempionati g‘oliblaridan biri – argentinalik Aleksis Makalisterni o‘z tarkibida saqlab qolmoqchi. Britaniyalik jurnalist Ben Jeykobs o‘zining ijtimoiy tarmoqlarida ushbu ma’lumotni tarqatdi.
To‘g‘ri, manbaning xabariga ko‘ra, futbolchiga Yevropaning yetakchi klublari qiziqish bildirishgan. Ammo "Brayton" prezidenti Pol Barber bu qishda futbolchini sotishga shoshilmayapti.
Aleksis Makallister Qatarda bo‘lib o‘tgan jahon chempionatida o‘z mamlakati uchun oltita o‘yinda maydonga tushib, bitta gol va bitta golli uzatmani amalga oshirdi. Bu mavsumda esa Premyer-ligada "Brayton" tarkibida 14 uchrashuvda 5 ta gol urdi.
