Англиянинг “Брайтон” жамоаси камида 2024 йилга қадар Қатардаги жаҳон чемпионати ғолибларидан бири – аргентиналик Алексис Макалистерни ўз таркибида сақлаб қолмоқчи. Британиялик журналист Бен Жейкобс ўзининг ижтимоий тармоқларида ушбу маълумотни тарқатди.
Тўғри, манбанинг хабарига кўра, футболчига Европанинг етакчи клублари қизиқиш билдиришган. Аммо "Брайтон" президенти Поль Барбер бу қишда футболчини сотишга шошилмаяпти.
Алексис Макаллистер Қатарда бўлиб ўтган жаҳон чемпионатида ўз мамлакати учун олтита ўйинда майдонга тушиб, битта гол ва битта голли узатмани амалга оширди. Бу мавсумда эса Премьер-лигада "Брайтон" таркибида 14 учрашувда 5 та гол урди.
