The Athletic xabariga ko‘ra, "Nyukasl" yarim himoyachisi Jonjo Shelvi oyog‘idan olgan jarohati sabab ikki oygacha safdan chiqdi. Uning tiklanishi uchun olti-sakkiz hafta kerak bo‘ladi.

Bu mavsum Shelvi uchun juda omadsiz bo‘ldi, u endigina son jarohatini davolab safga qaytgandi.

Premyer-liga doirasida 30 yoshli ingliz futbolchisi zaxiradan bor-yo‘g‘i 3 ta o‘yinda maydonga tushdi va jami yarim soatdan sal ko‘proq vaqt o‘ynadi.

E’tibor bering, Shelvining "qarg‘alar" bilan shartnomasi joriy mavsum oxirida yakuniga yetadi.