«Nissa» bosh murabbiyi Lyusyen Favr «burgutlar» futbolchisi Aaron Remzi haqida gapirdi.
«U hali yaxshi formaga qaytmadi. Men u bilan gaplashmadim. O‘ylaymanki, unga jahon chempionatini hazm qilish qiyin bo‘ldi», - dedi murabbiy.
Eslatib o‘tamiz, avvalroq RMC Sport nashri Remzi so‘nggi bir necha hafta davomida «Nissa»da bo‘lmaganiga qaramay, futbolchi va klub rahbariyati o‘rtasida hech qanday muammo yo‘qligi haqida xabar bergan edi.
Qatarda Aaron Uels jamoasi bilan birgalikda Angliya, AQSH va Eronga qarshi bahslarda ishtirok etdi.