“Navbahor”ning yakunlangan mavsumda qayd etgan statistik natijalari bilan tanishtirishda davom etamiz. Bu safar futbolchilarning kartochkalari statistikasiga to‘xtalishni lozim deb topdik.

Albatta, futbol jamoaviy sport turi sanalsada, yakkakurashlarga ham boydir. To‘p uchun kurashdagi bunday vaziyatlar esa odatda qo‘polliklarsiz o‘tmaydi.

Shuningdek, ayrim paytlarda raqib hujumini bartaraf etish, bundan tashqari, asabni jilovlay olmaslik, qiziqqonlik ham futbolchilarning hakam tomonidan ogohlantirish olishlari, ayrim paytlarda esa hattoki, maydondan chetlatishlariga sabab bo‘ladi. Qisqasi, kartochkalar millionlar o‘yinining bir bo‘lagi hisoblanadi.    

Coca Cola Superligasining yakunlangan mavsumida “lochinlar”ning 18 nafar futbolchisi hakamlar tomonidan sariq kartochkalar bilan “siylandi”.

Aytish lozimki, mavsum – 2022da «Navbahor»ning hech qaysi a’zosi qizil kartochka olmadi.

“Navbahor”ning ikki nafar o‘yinchisi -  Jamshid Boltaboyev hamda Yovan Jokich hakamlar tomonidan 5 marta ogohlantirilishdi va buning natijasida Coca Cola Superligasining bittadan bahsini o‘tkazib yuborishga majbur bo‘lishdi.

Yana 5 nafar futbolchi ham 4 tadan sariq kartochka olgan holda, bittadan o‘yinda  maydonga tushishmadi.  

«Navbahor» futbolchilarining mavsum–2022 kartochkalar bo‘yicha statistikasi esa quyidagicha:

Jamshid Boltaboyev, Yovan Jokich – 5 tadan sariq kartochka

Davronbek Hoshimov, Elguja Grigalashvili, Stanislav Andreev, Boyan Siger, Azimjon Ahmedov – 4 tadan sariq kartochka

Zoran Marushich, Rustamjon Ashurmatov, Asadbek Sobirjonov – 3 tadan sariq kartochka

Ehsoni Panshanbe, Jamshid Iskanderov, Igor Golban – 2 tadan sariq kartochka

Ibrohim G‘anixonov, O‘tkir Yusupov, Nurillo To‘xtasinov, Mirlan Murzayev, Aleksandr Kasyan – 1 tadan sariq kartochka.  

“Navbahor” PFK matbuot xizmati.