So‘nggi haftalarda matbuotda hujumkor yarim himoyachi Filippe Koutinyoning kelajagi haqida ko‘plab ma’lumotlar paydo bo‘ldi. Malum bo‘lishicha, 30 yoshli braziliyalik «Aston Villa»ni tark etib, vataniga qaytmoqchi.
Bu mish-mishlar fonida Filippe Koutinyo ijtimoiy tarmoqlar orqali bayonot berishga qaror qildi.
"Ba’zi yolg‘onlar paydo bo‘lmoqda va men aniqlik kiritish uchun keldim. Men klubdan ketishim haqida birorta ham suhbat bo‘lmagan. Men bu yerda baxtliman, mening oilam ham», - deb yozdi Koutinyo.
Filippe Koutinyo «Aston Villa» safida 33 ta o‘yinda maydonga tushdi. Ularda braziliyalik beshta gol urdi va sheriklariga uchta golli uzatma berdi.