N'Golo Kante hali ham «Chelsi»da qolishi mumkin. The Athletic xabariga ko‘ra, klub va yarim himoyachi yangi shartnoma bo‘yicha muzokaralar olib borishgan.
Eslatib o‘tamiz, Kantening «aristokratlar» bilan shartnomasi joriy mavsum oxirida yakuniga yetadi, fransiyalik futbolchining esa «Chelsi» bilan yangi shartnomasi hali imzolanmagan. Bundan tashqari, yarim himoyachini boshqa klublar, masalan, Ispaniyaning «Barselona»si bilan faol ravishda bog‘lab kelishmoqda.
Hozirda 31 yoshli Kante jarohatidan forig‘ bo‘ldi, u jarohati tufayli Qatardagi jahon chempionatini o‘tkazib yubordi va amalda APLning joriy mavsumida o‘ynamadi.
