Madridning “Atletiko” klubi bosh murabbiyi Diyego Simeone hujumchi Joau Feliksning kelajagi haqidagi savolga javob berdi.

"U biz bilan ekan, men u klubga eng yaxshisini berishini ta’minlashga harakat qilaman. Keyin nima bo‘lishini ko‘ramiz", - dedi Simeone "Elche"ga qarshi o‘yindan so‘ng (2:0).

Oldinroq Feliks qishki transfer oynasida "Atletiko"ni tark etishni istashi haqida xabarlar tarqalgan edi.

U joriy mavsumda “Atletiko” safida barcha turnirlarda 19 ta o‘yinda maydonga tushib, 5 ta gol urdi va 3 ta golli uzatmani amalga oshirdi.