Мадриднинг “Атлетико” клуби бош мураббийи Диего Симеоне ҳужумчи Жоау Феликснинг келажаги ҳақидаги саволга жавоб берди.

"У биз билан экан, мен у клубга энг яхшисини беришини таъминлашга ҳаракат қиламан. Кейин нима бўлишини кўрамиз", - деди Симеоне "Элче"га қарши ўйиндан сўнг (2:0).

Олдинроқ Феликс қишки трансфер ойнасида "Атлетико"ни тарк этишни исташи ҳақида хабарлар тарқалган эди.

У жорий мавсумда “Атлетико” сафида барча турнирларда 19 та ўйинда майдонга тушиб, 5 та гол урди ва 3 та голли узатмани амалга оширди.