Hujumchi Krishtianu Ronaldu «An-Nasr» bilan shartnoma imzoladi, deb xabar bermoqda Al Arabiya telekanali. 37 yoshli portugaliyalik futbolchining klub bilan kelishuvi ikki mavsumga mo‘ljallangan.
Forvard 2022 yilning 22 noyabridan beri erkin agent hisoblanadi. Ronalduning so‘nggi jamoasi «Manchester Yunayted» edi. Futbolchi joriy mavsumda «Manchester Yunayted» safida 16 ta o‘yinda maydonga tushib, 3 ta gol urdi va 2 ta golli uzatmani amalga oshirdi.
Transfermarkt portali hujumchining narxini 20 million yevroga baholamoqda.
