Ҳужумчи Криштиану Роналду «Ан-Наср» билан шартнома имзолади, деб хабар бермоқда Al Arabiya телеканали. 37 ёшли португалиялик футболчининг клуб билан келишуви икки мавсумга мўлжалланган.
Форвард 2022 йилнинг 22 ноябридан бери эркин агент ҳисобланади. Роналдунинг сўнгги жамоаси «Манчестер Юнайтед» эди. Футболчи жорий мавсумда «Манчестер Юнайтед» сафида 16 та ўйинда майдонга тушиб, 3 та гол урди ва 2 та голли узатмани амалга оширди.
Трансфермаркт портали ҳужумчининг нархини 20 миллион еврога баҳоламоқда.
