Krishtianu Ronaldu "An-Nasr"ga o‘tganidan so‘ng dunyoning eng ko‘p maosh oluvchi futbolchisiga aylandi, deb xabar beradi Marca.

Manbaga ko‘ra, 37 yoshli portugaliyalik yangi klubida yiliga 100 million yevro oladi. Qolgan 100 million yevroni futbolchi tijorat huquqlarini amalga oshirish uchun oladi. Ronaldu Saudiya Arabistoni elchisi sifatida 2030 yilgi jahon chempionatiga da’vogarlik qiladi.

Oldinroq "An-Nasr" 37 yoshli portugaliyalikning transferi haqida ma’lum qilgandi. Al Arabiya telekanali xabar berishicha, Ronaldu "An-Nasr" bilan ikki mavsumga shartnoma imzolagan.