Huquqlari «Shaxtyor»ga tegishli bo‘lgan ukrainalik yarim himoyachi Mixaylo Mudrik yana bir ingliz klubi qiziqishlari doirasiga tushgan.
Guardian jurnalistlarining yozishicha, 21 yoshli futbolchining transferiga Londonning «Chelsi» klubi qiziqmoqda.
«Aristokratlar» ukrainalik futbolchiga asosiy da’vogar hisoblangan «Arsenal» bilan raqobatlashishga tayyor.
Avvalroq «kanonirlar» Mixail uchun 60 million yevro taklif qilgandi, ammo rad javobini oldi. Hozir klub yangi taklif tayyorlamoqda.
Mudrikning «Shaxtyor» bilan shartnomasi 2026 yilgacha mo‘ljallangan. U joriy mavsum 24 ta o‘yinda maydonga tushib, 10 ta gol va 8 ta golli uzatmaga mualliflik qilgan.
