Ҳуқуқлари «Шахтёр»га тегишли бўлган украиналик ярим ҳимоячи Михайло Мудрик яна бир инглиз клуби қизиқишлари доирасига тушган.
Guardian журналистларининг ёзишича, 21 ёшли футболчининг трансферига Лондоннинг «Челси» клуби қизиқмоқда.
«Аристократлар» украиналик футболчига асосий даъвогар ҳисобланган «Арсенал» билан рақобатлашишга тайёр.
Аввалроқ «канонирлар» Михаил учун 60 миллион евро таклиф қилганди, аммо рад жавобини олди. Ҳозир клуб янги таклиф тайёрламоқда.
Мудрикнинг «Шахтёр» билан шартномаси 2026 йилгача мўлжалланган. У жорий мавсум 24 та ўйинда майдонга тушиб, 10 та гол ва 8 та голли узатмага муаллифлик қилган.
