Saudiya Arabistonining “An-Nasr” klubi Krishtianu Ronaldu bilan ikki yillik shartnoma imzoladi. Bu haqda rasman ma’lum qilindi. CBS Sports ma’lumotlariga ko‘ra, portugaliyalik futbolchi mavsumiga 70 million yevro oladi (Marca ma’lumotlariga ko‘ra, yiliga 200 million yevro). Shundan so‘ng Krishtianu Ronaldu Saudiya Arabistoni elchisi vazifasini bajaradi. Aftidan, hujumchi Yaqin Sharqda zerikmaydi. “An-Nasr” yana ikki yulduzni taklif qilmoqchi.

Jamoa Serxio Ramosga qiziqmoqda

Ispaniyalik himoyachi 2021 yilning yozida “PSJ”ga o‘tgandi. O‘shandan beri u klub safida 34 ta o‘yin o‘tkazib, 3 ta gol va bitta golli uzatmani amalga oshirdi, Fransiya chempioni va mamlakat Superkubogi sohibiga aylandi. Ramos hozir jarohatga juda moyil: 2021/2022 yilgi mavsumda u uchta jarohat olgan, shu sababli 33 ta uchrashuvni (197 kun) o‘tkazib yuborgan. Uning “PSJ” bilan shartnomasi 2023 yilning yozida tugaydi va u uzaytirilmasligi mumkin.

"An-Nasr" rahbariyati Serxio Ramos bilan uchrashib, unga loyiha haqida batafsil gapirib bermoqchi. Tez orada ispaniyalik istalgan jamoa bilan muzokara olib borishi mumkin bo‘ladi. Marca xabariga ko‘ra, Saudiya Arabistoni klubi Krishtianu Ronaldudan keyin 36 yoshli himoyachini o‘z safiga qo‘shib olmoqchi. Bundan tashqari, “An-Nasr” mavsum oxirida londonliklar bilan shartnomasi tugaydigan “Chelsi” yarim himoyachisi N'Golo Kanteni ham tekinga olib kelmoqchi. Bu haqda Foot Mercato xabar bermoqda.

Shu tariqa, Saudiya Arabistoni klubi 2030 yilgi jahon chempionati mezbonlik qilish istagini ular orqali ilgari surish maqsadida bir qancha kuchli futbolchilarni qabul o‘z safiga chorlashni rejalashtirgan. Hozirda “An-Nasr” tarkibida 8 nafar xorijlik futbolchi bor, ularning chegarasi yetti kishi. Krishtianu Ronalduning transferi uchun kamida ikkita futbolchi sotilishi kerak bo‘ladi, 2023 yilning yozida Kante transfer qilingan taqdirda xorijliklarning ketishi ham kerak bo‘ladi. Qiziq, saudiyaliklar “PSJ” va “Chelsi” yulduzlariga qancha pul taklif qilishga tayyor?