"Benfika" va Argentina terma jamoasi yarim himoyachisi Enso Fernandes qishki transfer oynasidayoq boshqa jamoaga o‘tishi mumkin, deya xabar beradi OLE.
21 yoshli futbolchi uchun Premyer-liganing bir nechta klublari o‘rtasida kurash avj oldi. Ularning barchasi 120 million yevro miqdoridagi tovon pulini to‘lab, futbolchini olishga tayyor.
Agar transfer amalga oshsa, Fernandesning sobiq jamoasi "River Pleyt" transfer summasining 25 foizini oladi.
Fernandes 2022 yilning iyulidan beri "Benfika" safida to‘p suradi. Joriy mavsumda u jamoa uchun 24 uchrashuvda 3 ta gol urdi va 5 ta golli uzatmani amalga oshirdi, shuningdek, Argentina terma jamoasi tarkibida JCH-2022 g‘olibi bo‘ldi va turnirning eng yaxshi yosh futbolchisi deb topildi.