"Бенфика" ва Аргентина терма жамоаси ярим ҳимоячиси Энцо Фернандес қишки трансфер ойнасидаёқ бошқа жамоага ўтиши мумкин, дея хабар беради OLE.
21 ёшли футболчи учун Премьер-лиганинг бир нечта клублари ўртасида кураш авж олди. Уларнинг барчаси 120 миллион евро миқдоридаги товон пулини тўлаб, футболчини олишга тайёр.
Агар трансфер амалга ошса, Фернандеснинг собиқ жамоаси "Ривер Плейт" трансфер суммасининг 25 фоизини олади.
Фернандес 2022 йилнинг июлидан бери "Бенфика" сафида тўп суради. Жорий мавсумда у жамоа учун 24 учрашувда 3 та гол урди ва 5 та голли узатмани амалга оширди, шунингдек, Аргентина терма жамоаси таркибида ЖЧ-2022 ғолиби бўлди ва турнирнинг энг яхши ёш футболчиси деб топилди.