"Monako" markaziy himoyachisi Benua Badyashil yaqinda "Chelsi"ning yangi futbolchisi sifatida tanishtiriladi.
21 yoshli futbolchi bugun "Monako"ning "Brest"ga qarshi o‘yinida qaydnomaga kiritilmadi, chunki uning "Chelsi"ga o‘tish jarayoni yakunlanishi arafasida. Fabrisio Romanoning so‘zlariga ko‘ra, fransiyalik futbolchi hozirgi jamoadoshlari bilan xayrlashgan.
Dushanba kuni u Londonga uchib ketadi va tibbiy ko‘rikdan o‘tadi, shundan so‘ng "Chelsi" bilan shartnoma imzolaydi. Transfer narxi, avval xabar qilinganidek, taxminan 38 million yevroni tashkil qiladi.
